41岁名模熊黛林（Lynn）近日在34度高温下，孖老公郭可颂同孖女一家四口出动去迪士尼玩，少女心大爆发的Lynn穿上白T恤配超热短裤，大晒白滑长腿和小蛮腰，完全不似两女之母。日前Lynn接受《香港01》访问透露保养秘诀，Lynn大爆竟然完全不戒宵夜。
Lynn表示早餐会食一块面包配牛奶，中午同夜晚则「有咩食咩」，她说：「一定要有菜，主食，要吸收淀粉质。」但对Lynn来说菠萝油则是死穴，她坦言：「肥得好紧要。太甜嘅嘢都唔食，对皮肤唔好。」Lynn也会戒冻饮，「屋企好少饮，百分之八十饮暖水。」
Lynn拍戏坚持要食饱宵夜，她笑指：「我谂我讲咗出嚟好多女仔会打我，好多女艺人好惊夜晚食宵夜会肥，但我就真系唔惊啦，我宵夜一定要食得好饱，如果唔系会冇力，已经好攰啦，再肚饿就好大镬，拍唔到嘢。同埋我开工就辛苦会瘦，唔会特别唔食啲咩。」
Lynn透露囡囡不在家时会做用健身器材做运动，但早前疫情严峻期间，爱女在家时则不方便做运动，她说：「真系大镬，可能之後北上返去会一个礼拜两至三次运动，游水都好舒服。我会用器材做提臀、收腹运动，因为女仔最紧要喺呢两部分嘅肌肉，同埋练手臂收拜拜肉。」Lynn指会不定期上网睇新推出的收腹器材，「希望可以练出马甲线，朱古力我就唔系好想要啦，马甲线就想要少少，着晚装靓啲呀嘛！」
谈到脸部保养，Lynn透露，冇开工时一个礼拜会敷两到三次面膜，开工则一日敷两次面膜，包括保湿、眼部和清洁面膜，并会抽时间去美容院，她透露对生仔後修身特别有用：「去得勤力嗰阵时，肤质、状态真系同懒嗰阵争好远，呢个特别系生完仔之後我好深刻嘅体会嚟。」#娱乐聚焦#
| 留言与评论（共有 0 条评论） “” |
