原文（Hot sei 《Hwnj Laeuzgvancoz》 canghsei Dangzciuz Vangz Cihvan raiz）:

白日依山尽，

黄河入海流。

欲穷千里目，

更上一层楼。

译文（Ciuq hawj gauj bien gonq bien laeng fat）：

It

Daengngoenz roengz bya liux,

Vangzhoz riuz haij bae.

Siengj aeu muengh engq gyae,

Ndaej caiq hwnj caengz laeuz.

（宾阳县 Veiz Yujyungj /韦汝永）

Ngeih

Daengngoenz doek baihsae,

Vangzhoz lae roengz haij.

Raeuz yaek yawj ok gyaiq,

Couh caiq hwnj mbaek laeuz.

（良庆区 Cungh Swjmingz/钟自鸣）

Sam

Daengngoenz doek roengz bo,

Vangzhoz lae bae haij.

Yaek yawj gyae seiqgyaiq,

Vaiqvaiq hwnj dingj laeuz.

（西林县 Vangz Civeij/黄志伟）

Seiq

Daengngoenz roengz raeb bya,

Dahvangzhoz lae roengz haij.

Naemj yawj bae gig gyae,

Hwnj caengz laeuz ceiq sang bae.

（平果市 Vangz Gozgvanh/黄国观）

Haj

Aen daengngoenz deb bangzbya ciemhciemh doek roengzbae, diuz Dahvangzhoz coh dahaij laefwdfwd. Yaek siengj yawjraen liux gingjsaek gizgyae, couh caiq aeu byaij hwnj caengz laeuz sang dem.

（平果市 Luz Lilanz/陆丽兰）

Roek

Daengngoenz doek bya sae,

Vangzhoz lae daihhaij.

Siengj yawj cienleix gyaiq,

Aeu caiq hwnj caengz laeuz.

（兴宾区 Hoz Cunghliuj/何宗柳）

Caet

Daengngoenz doek roengz bya,

Vangzhoz bongj bae haij.

Siengj ngonz engqgya gyae,

Lai bin it caengz laeuz.

（武宣县 Lungz Ging’yuz/龙庆煜）

Bet

Daengngoenz doek roengz bya,

Dahvangzhoz roengz haij.

Siengj muengh caenh daengz byai,

Yaek caiq hwnj caengz laeuz.

（武鸣区 Vangz Ginjyen/黄锦艳）

Gouj

Daengngoenz ndoj haeuj bya,

Dahvangzhoz doh haij.

Yaek ndaej raen engq lai,

Caiq hwnj laeuz sang di.

（象州县 Cinz Yuz/覃 旭）

Cib

Daengngoenz doek roengz bya,

Dahvangzhoz roengz haij.

Yaek muengh cienleix gyaiq,

Lai bin hwnj mbaek laeuz.

（宾阳县 Lingz Sauvaz/凌少华）

来源：《广西民族报》壮文版 第八版

责编：赵德飞 | 审核：唐 龙 | 复审：蒙树起 | 监制：韦秀观