身边追星嘅朋友
除咗一日到黑“啊啊啊啊啊”之外
每个人都有唔同嘅技能
有D係前线专门扛炮去影相
有D修图好犀利
有剪刀手大大识剪安利视频
仲有一种就係画手
唔识画画但係又好羡慕人哋
可以画出好得意嘅偶像？
呢个app可以满足你
最近呢个Oppa Doll喺韩妹之间超heat
上ins一搜就会见到唔少人
晒出自己DIY嘅偶像
呢个换装小游戏操作十分之简单
虽然界面係韩文
不过完全就无难度
首先选择新建一只公仔
下面就有包括肤色、眼睛、发型、
服装、鞋等等嘅元素可以挑选
你只要根据自己偶像嘅特色
进行选择
好似发型同头发颜色呢种
就好容易变得有特色
之后仲可以进行背景
同埋小道具嘅选择
输出尺寸都有几种可以拣
做壁纸都得
不过对话框就只支持韩文同英文
部分素材需要购买解锁
不过免费嘅部分占大多数
都已经好够用
无咩头绪嘅话
可以参考下ins上面
各位韩饭整嘅偶像
虽然个app叫做Oppa Doll
不过女偶像都可以整
唔同发型唔同眼神唔同眉毛
真係可以整出完全唔同风格嘅样
有几位真係神似！
欣赏下对比照
想要整得似样
抓住偶像嘅形象特征係关键！
你哋估下呢几位係边个？
虽然係超简易小游戏
不过玩起身真係超上瘾！！！
无聊嘅时候超啱打发时间！
| 留言与评论（共有 0 条评论） |
