讲到云吞面

相信好多佛山街坊都有嘢要讲

我地对云吞面噶热爱

简直到左入心入肺噶地步

竟然大家甘钟意

甘炸丸今日带大家去搜寻地道云吞面

快滴mark低哩份攻略出发喇

应记面家

首先要推噶梗係由细食到大噶应记面家，距噶鲜虾云吞面仲係“中华名小吃”黎噶，未食过都唔好意思话自己係佛山人！

街坊必点噶金牌鲜虾云吞面，首先肯定要试啖汤，汤底真係好鲜而且仲饮出猪骨汤噶味！

一啖要落去就食到鲜甜噶虾仁，咸鲜醇厚而不腻，面又好有弹性，用筷子夹都夹唔断，简直一流！

地址：莲花路112号8号铺（由于分店众多，不一一列举啦）

营业时间：周一至周日 06:00-23:00

人均：15RMB

三昇面

係石湾大噶炸丸，一定要同大家强烈推介哩间三昇面！就系公仔街隔离，虽然店面唔算好大，但每逢节假日绝对爆棚！

炸丸每次去都必点噶鲜虾云吞面，首先最吸引我噶绝对係装云吞面只兜，够晒特别！里面仲有埋煎蛋同青菜，性价比超级高！

另外仲要疯狂打call距滴云吞，云吞里面有虾有猪肉，重点係距无大粒噶肥猪肉，唔钟意肥猪肉噶街坊可以放心大大啖食！

地址：南风古灶内（公仔街与石湾公园交界口）

营业时间：周一至周日 10:00-20:00

人均：17RMB

香港一哥云吞面世家

一哥云吞已经开左好多年，相信好多街坊都食过哩度滴云吞！店里面噶空间比较阔落，而且干净又舒适~

招牌必点噶蟹子鲜虾云吞面，皮薄馅足，成舊云吞包到涨卜卜！虾肉弹牙，蟹子又增加唔少口感，真係好鬼正！

▲涨卜卜

▼蟹子超多

云吞面梗係少唔到面！哩度用噶係传统的竹升面，爽口弹压，比个like你！

地址：桂城南桂东路66号桂南名都百花时代广场1楼

营业时间：周一至周日 07:30-24:00

人均：18RMB

鑫记传统竹升面

係黄岐比较难稳到好食噶云吞面，哩间就绝对唔可以错过！以竹升面为主打噶鑫记，距噶云吞面係店内招牌！

鲜虾蟹子云吞面，汤底好鲜甜，食唔出有味精味，所以食完都唔会觉得口渴！

云吞馅料超足，食到粒粒蟹子，而且云吞皮劲滑，食得出係新鲜整噶！

地址：黄岐镇岐西路(南方广场附近)

营业时间：周一至周日 07:00-22:00

人均：15RMB

冯不记米坊

好多街坊食过都话距噶云吞面好正，可以食出顺德风味！

必点噶招牌云吞面，又有红萝卜又有玉米又有冬菇，云吞一咬落口就食到超浓噶鲜虾味，而距噶面係碱水面，口感比较独特！

如果食唔惯碱水面噶街坊，可以试下哩款鲜虾云吞鱼汤米线，浓郁鱼汤加埋云吞，真係超级正！

地址：桂城灯湖西路20号保利水城6栋22-23号

营业时间：周一至周日 07:30-21:00

人均：20RMB

睇完相信你肯定肚子饿

甘今晚噶宵夜一于去是云吞啦~

猪肉